«Եթե կարողացել են հասնել էդտեղ, ի՞նչ երաշխիք կա, որ չեն կարող մի հատ էլ կրակոցներ անեն արդեն գյուղերի վրա». Սոթքի համայնքապետ

Մինչ կառավարությունը իրեն հատուկ ձևով հերքում է ադրբեջանական զինուժի՝ Վարդենիսի տարածք, ավելի կոնկրետ՝ Սոթքի հանքի տարածք հասնելու մասին շրջանառվող լուրերը, Սոթքի հանքի տարածքում ընթանում են բանակցություններ հայ և ադրբեջանցի զինվորականների միջև: Ընթացող բանակցությունների մասին 168.am-ի հետ զրույցում հայտնեց Գեղարքունիքի մարզի Գեղամասար համայնքի (կենտրոնը՝ Սոթք) ղեկավար Հակոբ Ավետյանը՝ պաշտոնապես հաստատելով, որ ադրբեջանական զինուժը Սոթքի հանքի տարածքում է:

«Ուրեմն էս պահի դրությամբ ադրբեջանական զինուժը նախատեսված էդ դարպասները, որ դրվել էր, այդ տեղը անցել են արդեն ու եկել են հենց հիմա ոսկու հանքի տարածքում են, էդ գագաթին կանգնած են, որը մեր հանքի տարածքն էր արդեն: Ու էդտեղից պահանջում  են ազատել տարածքը: Բայց հիմա այս պահին բանակցություններ ա գնում»,- ասաց Հակոբ Ավետյանը:

Հարցին, թե ովքե՞ր են բանակցում, նա պատասխանեց.

«Իրանց կողմից իրանց հրամանատարությունը կլինի, պարզ ա, որ զինվորների հետ չի, բայց իրանց զորքը կանգնած ա էնտեղ, էս կողմից էլ մեր հրամանատարությունն է: Այո, մեր կողմից արդեն կան զինվորականներ: Էնտեղ չեն թողնում, որ ավելի առաջ գան, բայց դե իրանք բավականին առաջ եկել են, էլի: Ու իրավունք չունեին իրանք էնտեղ հայտնվելու: Նախատեսված տեղը էդ դարպասներն էր, բայց դարպասներից շա՜տ առաջ են եկել, հասել են արդեն Սոթքի սահմանին»,- ասաց համայնքի ղեկավարը:

Հակոբ Ավետյանը նշեց, որ կլինի մոտավորապես 2 ժամ գուցե ավելի, ինչ ադրբեջանական ուժերը Սոթքի հանքի տարածքում են:

«Իրանք եկել են, կանգնել են էն տեղը, ասում  են, որ՝ «էդի արդեն մերն ա, սահմանն ա, ստեղ ազատեք», ու դա արդեն ոսկու հանքի մի մասը դրա մեջ ա մտնում»,- ասաց մեր զրուցակիցը:

Հակոբ Ավետյանը ևս վերահաստատեց տեղեկությունը, որ հանքի տարածքից հանվում է  տեխնիկան:

«Էս պահին արդեն տեխնիկաները հանում են էդտեղից»,- ասաց նա:

Անդրադառնալով բնակիչների անվտանգության ապահովման հարցին՝ Հակոբ Ավետյանը նշեց.

«Հիմա, գիտեք, զգոն ենք, էս պահին եթե ինչ-որ գործողություն պետք ա արվի, պատրաստ լինենք ամեն ինչի: Բայց որ հասել են էստեղ, ճիշտ ա, կրակոցներ չկան, չգիտենք՝ ինչ կարա ըլնի: Ամեն վայրկյան կարա նաև լինի: Եթե կարողացել են հասնել էդտեղ, ի՞նչ երաշխիք կա, որ չեն կարա մի հատ էլ կրակոցներ անեն արդեն գյուղերի վրա»:

ԱՂԲՅՈՒՐ՝ https://168.am/2020/11/26/1415489.html?fbclid=IwAR3E2LC6NoGvg28wxsGenBRN9vcjxtJjV6tAQFilC3UXdlBf4kB5fDseBgI

Добавить комментарий

Ваш адрес email не будет опубликован. Обязательные поля помечены *